Meksika sahillərində güclü zəlzələ olub
14-05-2025, 10:57
Meksikanın qərb sahillərində 5.9 maqnitudalı zəlzələ baş verib.
Oxu.Az xəbər verir ki, bu barədə ABŞ Geoloji Xidməti məlumat yayıb.
Verilən məlumata görə, yeraltı təkanların episentri La-Krus-de-Loreto şəhərindən 295 km şimal-qərbdə yerləşib. Zəlzələnin ocağı yerin 10 km dərinliyində olub.
Hadisə nəticəsində xəsarət alanlar və dağıntılar barədə məlumat daxil olmayıb, sunami təhlükəsi elan edilməyib.
