Salyanda yanğın zamanı 2 nəfər ölüb
26-02-2017, 11:28
Salyan rayonunda yanğın zamanı 2 nəfər tüstüdən boğularaq ölüb.
Hadisə bu gün səhər saatlarında rayonun Şəkərli kəndində qeydə alınıb.
Kənddə ümumi sahəsi 100 kv. m. olan 1 mərtəbəli fərdi yaşayış evi yanıb. Yanğın zamanı ev sahibləri, 74 yaşlı Əhmədalı Qayıbalı oğlu Əliyev və 83 yaşlı Zemfira İsa qızı Əliyeva tüstüdən boğulub.
Faktla bağlı araşdırma aparılır.
