Almaniyanın nüvə silahı olacaqmı? - Merz nöqtəni qoydu
19-02-2026, 15:34
Mən Almaniyanın öz nüvə silahına sahib olması məsələsini hətta nəzərdən keçirməsini belə istəmirəm.
Axar.az xəbər verir ki, bu sözləri Almaniya kansleri Fridrix Merz deyib.
O, 1970-ci il tarixli Nüvə Silahlarının Yayılmaması haqqında Müqaviləyə (NPT), həmçinin 1990-cı ildə Almaniyanın birləşməsi ilə bağlı imzalanmış “2+4” müqaviləsinə istinad edib.
Merz xatırladıb ki, hazırda Almaniyanın qərbində ABŞ-ın nüvə silahlarını daşımaq imkanına malik Almaniya Hərbi Hava Qüvvələrinə məxsus “Tornado” qırıcıları yerləşir.
“Teorik olaraq bu mexanizmi Böyük Britaniya və Fransanın nüvə silahlarına da şamil etmək mümkün olardı”, – deyə Merz bildirib.
Qeyd edək ki, bəzi mətbuat orqanlarının məlumatına görə, Almaniyanın qərbində ABŞ-ın onlarla nüvə bombası yerləşdirilib. “Die Zeit” qəzetinin yazdığına görə, ümumilikdə Avropada təxminən 100 belə bomba mövcuddur.
