7 Avropa İttifaqı ölkəsi Avropa Komissiyasına (AK) Rusiya mallarına tarif tətbiq etməsini təklif edib.

"Politico" xəbər verir ki, təşəbbüs Latviya, Litva, Estoniya, Polşa, Finlandiya, İsveç və Almaniya tərəfindən irəli sürülüb.

Nəşrin məlumatına görə, bu ölkələr AK-ya xatırladıblar ki, Rusiya mallarından ixrac gəliri 2024-cü ildə 5,4 milyard avro təşkil edib.

Sentyabr ayında Avropa Komissiyası Rusiya neft idxalına tarifləri artırmaq planlarını açıqlayıb. AK sözçüsü Paula Pinho bu həftənin əvvəlində bildirib ki, ABŞ-ın Rosneft və Lukoil şirkətlərinə qarşı sanksiyaları bu planlara təsir göstərmir.