"Türklərin ilkin vətəninin Azərbaycan olduğunu arxeologiya, antropologiya, etnoqrafiya, ən qədim mənbələrlə bərabər xristian və müsəlman ideologiyalı mənbələr də təsdiqləyir. Tədqiqatlar sübut edir ki, Azərbaycanda türklüyün təməl əsasları daha güclüdür. Skandinaviya əfsanələrinin birində türklərin ilkin vətəninin Zaqafqaziya olduğu, onların Nuhun oğlu Yafətin nəslindən olmaları yazılır. Xristian təəssübkeşi M. Kalankatyuklu midiyalıların və albanların Yafətin nəslindən olduğunu yazır. Ə.Bahadırxan da "Şəcəreyi-tərakimə" əsərində türklərin Nuh peyğəmbərin oğlu Yafətin nəsli olduğunu təsdiq edir. Urartu və digər antik mənbələr də Azərbaycanın türklərin ilkin vətəni olması ilə bərabər burada türk etnoniminin fasiləsiz yaşaması haqqında məlumat verirlər.Assur mənbələri isə "Türk"etnoniminin ən qədim forması olan "turukkilər"in e.ə. II minillikdə Urmiyə gölü hövzəsində yaşaması haqqında məlumat verirlər.
X.Xəlilli. Azərbaycan türklərinin etnogenezi və milli inkişaf tarixi kitabından.
Şəkil: Azərbaycan türkləri, 1900-cü illər.
Azərbaycanlıların səhifəsi
TEREF