Ukraynanın Mariupol şəhəri müharibədən əvvəl
Almaniyanın vitse-kansleri, iqtisadi məsələlər və iqlimin mühafizəsi naziri Robert Habek (“Yaşıllar” Partiyası) Almaniyanın işgüzar dairələrinin nümayəndələrindən ibarət kiçik nümayəndə heyəti ilə bazar ertəsi səhər Kiyevə gəlib.
Bizimyol.info xəbər verir ki, bu barədə "DPA" xəbər agentliyi məlumat yayıb.

Səfər təhlükəsizlik baxımından gizli saxlanılıb. Agentliyin məlumatına görə, səfərin əsas mövzuları Ukraynanın bərpası və enerji sektorunda əməkdaşlıq olacaq. Naziri, xüsusən də Almaniya Sənaye Birliyinin rəhbəri Ziqfrid Rusvurm müşayiət edir.

Səfər barədə açıqlama verən Habek qeyd edib ki, onun səfəri göstərir ki, Avropa Kiyevi təkcə çətin anlarda dəstəkləməkdə maraqlı deyil, həm də Ukraynanı gələcəkdə iqtisadi cəhətdən güclü tərəfdaş kimi gördüyünə” dair “aydın siqnaldır”. Eyni zamanda o bildirib ki, hazırda konkret investisiya qərarları gözlənilmir. Nazir bildirib ki, ötən ilin payızında Kiyevə səfər etməyi planlaşdırıb, lakin səfər təxirə salınmalı olub. “İndi məqamın yetişdiyini düşündük", - deyə o qeyd edib.

Xabek Rusiyanın xüsusi hərbi əməliyyatının başlamasından bəri və federal nazir qismində ilk dəfədir ki, Ukraynaya səfər edir. 2021-ci ilin mayında o, Almaniya Yaşılları Partiyasının sədri kimi ölkəyə səfər edib və daha sonra Kiyevə müdafiə silahlarının verilməsini tələb etdiyinə görə hətta öz partiyasında kəskin tənqidlərə məruz qalıb. Hazırda Almaniyada "Yaşıllar" ən fəal şəkildə silahların Ukraynaya verilməsinin tərəfdarıdırlar.