Meloy dekabrın 26-da səmada təyyarədən qalan izi görüb.

Fotolarla və təyyarələrlə maraqlanan Böyük Britaniyanın Şeffild şəhər sakini Alan Meloy təsadüfən ABŞ prezidenti Donald Trampın İraqa uçuşunun sirrini açıb.

AzNews.az Ukrayna mediasına istinadən xəbər verir ki, bu haqda informasiyanı CNN telekanalı yayıb.

Mənbə bildirir ki, Meloy dekabrın 26-da səmada təyyarədən qalan izi görüb və onun şəkilini çəkmək fikrinə düşüb.

Çəkilişdən sonra o, fotoaparatda diqqətlə baxanda hiss edib ki, bu, heç də adi təyyarə deyil, ABŞ prezidentinin 1 nömrəli bortu hesab edilən təyyarəsi Boeing VC-25-dir.

Meloy bu fotonu Flickr fotohostində yerləşdirib və məqsədi isə fotonu başqa kiminsə görüb-görmədiyini öyrənməyə çalışmaq olub.

Bu, sosial şəbəkənin abunəçilərinin marağına səbəb olub və çoxları şərh yazıb ki, ABŞ prezidenti ya İraqa, ya da Əfqanıstana uçur.

Fotonun yayılmasından bir neçə saat sonra isə Trampın təyyarəsi Bağdadın yaxınlığındakı avia bazaya enib.