Yəmən Silahlı Qüvvələri tərəfindən son 24 saat ərzində husilərin hərbi hədəflərinə qarşı 1292 əməliyyat həyata keçirilib.

TEREF Axar.az-a istinadən xəbər verir ki, bu barədə Yəmən ordusunun bəyanatında bildirilib.

“Yəmənin şəfəqi” əməliyyatı çərçivəsində həyata keçirilən hücumlarda 430-dan çox husi silahlısının zərərsizləşdirildiyi, 100-dən çox hərbi texnika və avtomobilin məhv edildiyi bildirilib.

Həmçinin qeyd olunub ki, hökumət qüvvələri paytaxt Sənanın şərqində yerləşən və husilərin nəzarətində olan Marib əyalətində bir neçə strateji əhəmiyyətli mövqeni geri ala biliblər.