Meksika xarici turistlərdən 9 dollar vergi alacaq
Bu gün, 15:34
Meksika hökuməti xarici turistlərə 175 peso (təxminən 9 dollar) məbləğində vergi tətbiq edib.
Bu barədə ölkənin turizm naziri Jozefina Rodriges Zamora bildirib.
Nazir qeyd edib ki, prezidentin göstərişi ilə qeyri-rezidentlər üçün bu ödəniş ilkin məbləğin 50%-i olmaqla 175 peso təşkil edəcək.
Onun sözlərinə görə, rüsumdan əldə edilən gəlir nəzarət-buraxılış məntəqələrinin modernləşdirilməsinə sərf olunacaq.
"Miqrasiya prosedurları bütün giriş məntəqələrində, xüsusən də hava limanlarında daha da avtomatlaşdırılacaq. Bütün avadanlıqları yeniləyəcəyik, çünki onların çoxu artıq çox köhnədir", - deyə nazir qeyd edib.
