Atəşgah restoranında xarici turistlər qiymətlərin şişirdilməsi ilə bağlı narazılıq yaşayıblar.

Bizimesr.info xəbər verir ki, turist xanımın sözlərinə görə, sifarişin real dəyəri 108 manat olsa da, onlara ilkin olaraq 180 manatlıq hesab təqdim edilib. Müştərilər etiraz etdikdən sonra restoran əməkdaşları dörd dəfə fərqli hesab gətiriblər. Hər dəfə məbləğ təxminən 20 manat azaldılıb və sonda ilkin, real qiymətə uyğun hesab təqdim olunub.

Bir saatdan çox davam edən mübahisədən sonra turistlər hesabı ödəyərək restoranı tərk ediblər. Ziyarətçilər turistik məkanlarda bu cür halların qarşısının alınması üçün aidiyyəti qurumları məsələyə diqqət yetirməyə çağırıblar.