İsveç parlamenti Sosial Demokrat İşçi Partiyasının lideri Maqdalena Anderssonu yenidən ölkənin baş naziri vəzifəsinə təsdiq edib.

Redaktor.az “RİA Novosti”yə istinadla xəbər verir ki, Anderssonun əleyhinə 173, lehinə isə 175 deputat səs verib.

Onun parlamentdəki 349 yerdən yalnız 100-nə sahib olan partiyası geniş koalisiya yarada bilmədiyi üçün xanım Maqdalena azlığın baş naziri olub.

Qeyd edək ki, noyabrın 24-də parlament ilk dəfə Anderssonun baş nazir postuna namizədliyini dəstəkləyib. Lakin bir neçə saat sonra Sosial Demokratlar və Yaşıllar koalisiyası dağılıb və yeni hökumət başçısı dərhal istefa verib.

Xatırladaq ki, rəsmi andiçmə mərasimindən sonra Andersson İsveç tarixində ilk qadın baş nazir olacaq.