Şahzadə Harri Meqan Marklla nikahındakı problemlər barədə şayiələrə münasibət bildirib.

Oxu.Az-ın "People"ə istinadla verdiyi məlumata görə, bu barədə o, "DealBook 2024" sammitində danışıb.

Tədbirdə jurnalist Endryu Ross Sorkin Sasseks hersoqundan həyat yoldaşı ilə münasibətləri barədə şayiələr haqqında nə düşündüyünü soruşub.

"Bu, əlbəttə ki, yaxşı deyil. Mənimlə Meqan haqqında yazılanlara görə, biz 10 dəfə əmlak alıb köçmüşük və 10 dəfə boşanmışıq. Belə xəbərləri izləmək çətindir, ona görə də, sadəcə onları görməməzliyə vurursan. Ən çox trollara yazığım gəlir. Onlar nəyəsə ümid edirlər, sonra bu baş vermir. Həqiqətən təəssüf edirəm", - deyə Şahzadə Harri bildirib.