Maduro: Venesuelanın ABŞ-a qarşı istifadə üçün 5000 Rusiya "İqla-S" raketi var
23-10-2025, 11:21
Venesuela prezidenti Nikolas Maduro və Rusiya prezidenti Vladimir Putin
Bolivar Respublikası ABŞ-dan gələn hərbi təhdidlərə qarşı durmaq üçün Rusiyanın təxminən 5000 "İqla-S" daşınan raket kompleksinə malikdir.
Bizimyol.info xəbər verir ki, bunu Venesuela prezidenti Nikolas Maduro deyib.
"Dünyada istənilən hərbi qüvvəyə "İqla-S"in gücü məlumdur və Venesuelada ən azı 5000 "İqla" var", - deyə AFP Maduroya istinadən məlumat verib.
Vaşinqton Venesuela hökumətini narkotik vasitələrin qanunsuz dövriyyəsi ilə mübarizədə kifayət qədər səy göstərməməkdə ittiham edir.
Sentyabrın 23-də BMT Baş Assambleyasının 80-ci sessiyasında çıxış edən ABŞ prezidenti Donald Tramp silahlı qüvvələrin ABŞ-ın Venesuela narkotik kartelləri ilə əlaqəli olduğuna inandığı gəmilərə hücumlarını davam etdirəcəyini bildirib. Amerika mediası ABŞ-ın yaxın bir neçə həftə ərzində Venesuelada narkotik kartelinin hədəflərini vurmağa başlaya biləcəyini yazıb.
