Yapon dənizində Rusiyanın sahil mühafizə xidməti ölkə sərhədini pozan yüzlərlə şimali koreyalı balıqçıya qarşı əməliyyat təşkil edib.

Bu barədə Rusiyanın Federal Təhlükəsizlik Xidməti məlumat yayıb. Məlumata görə, hadisə zamanı balıqçılar sərhədçilərə müqavimət göstərərək odlu silahlardan atəş açıb. Hərbçilərin cavab atəşi nəticəsində 5 balıqçı yaralanıb. Əməliyyatlar zamanı ümumilikdə 64 nəfər nəzarətə götürülüb. 4 gəmi ələ keçirilib. Gəmilərə baxış zamanı qanunsuz ovlanan balıqlar aşkar edilib.

Qeyd edək ki, iki həftə əvvəl də Rusiya dənizçiləri ölkə sərhədini pozan şimali koreyalı balıqçılara qarşı əməliyyat keçirmiş, 11 gəmi saxlanılmışdı. Toqquşmalara zamanı 1 balıqçı həlak olmuşdu.(Redaktor.az)