“Trampın Orbanla görüşü müttəfiqlərin narahatlığını artıracaq”
29-02-2024, 10:56
ABŞ-nin keçmiş Prezidenti Donald Tramp Macarıstanın Baş naziri Viktor Orbanı Floridadakı malikanəsində qəbul edəcək.
“Qafqazinfo” xəbər verir ki, bu barədə məlumatı öz mənbələrinə istinadən “Bloomberg” agentliyi yayıb.
Görüşün martın 8-i baş tutacağı gözlənilir. Agentlik yazır ki, sözügedən görüş ABŞ-nin müttəfiqlərinin Trampın hakimiyyətə qayıtması perspektivləri ilə bağlı narahatlıqlarını gücləndirə bilər.
Qeyd olunur ki, Tramp fevralın 25-i Vaşinqtonda Argentina Prezidenti Xavyer Mileylə də görüşüb.
