Rusiyalı qrossmeyster Aleksandra Kosteniuk 2024-cü il yanvarın 1-dən İsveçrənin bayrağı altında çıxış edəcək.

Bizimxeber.az bildirir ki, bu barədə İsveçrə Şahmat Federasiyasının (FSE) rəsmi saytında məlumat verilib.

Kosteniuk hazırda Beynəlxalq Şahmat Federasiyasının (FIDE) bayrağı altında yarışır. 2024-cü ildən ölkə vətəndaşı ilə evli olduğu üçün 10 ildən artıq İsveçrə pasportu olan idmançı İsveçrənin qadınlardan ibarət komandasının üzvü olacaq.

Eyni zamanda, İsveçrə onun kişilərdən ibarət komandada çıxış etməsini istisna etmir. Kosteniuk 2023-cü ildə İsveçrə millisinə keçsə, FSE Rusiya Şahmat Federasiyasına (RCF) 10 min dollar komissiya ödəməli olacaq . Ancaq iki illik gözləmə müddətindən sonra federasiya dəyişikliyi ödəniş tələb etmir.

2022- ci ildə Aleksandra Kosteniuk Beynəlxalq Şahmat Federasiyası (FIDE) tərəfindən ilin şahmatçısı seçilib.

Kosteniuk ikiqat Rusiya çempionudur. Rusiya komandasının tərkibində beş dəfə Avropa Komanda Çempionatının qalibi olub. Kosteniuk rusiyalı qrossmeyster Pavel Trequbovla evlidir.