Bir insanın peşəsini və xəstəliyini sadəcə yerişindən bilən dahi bir həkim təsəvvür edin. Bu insan uydurma bir kitab qəhrəmanı deyil, XIX əsrdə yaşamış Dr. Jozef Bell idi. O, Şotlandiyanın Edinburq Universitetində tibb professoru kimi fəaliyyət göstərirdi. Bell tələbələrinə xəstələri müayinə etmədən əvvəl onları sadəcə müşahidə etməyi öyrədirdi. Onun inanılmaz vizual yaddaşı və güclü məntiqi çıxarış (deduksiya) qabiliyyəti var idi. Həkim xəstənin ayaqqabısındakı palçıqdan onun hansı küçədən gəldiyini dərhal anlayırdı. İnsanların əllərindəki qabar və ləkələrə baxaraq onların nə işlə məşğul olduğunu nöqtəsinə qədər tapırdı.
Onun mühazirə otağındakı tələbələrdən biri isə gənc Artur Konan Doyl idi. Konan Doyl öz müəlliminin bu qeyri-adi istedadına heyran qalmışdı. Məhz bu heyranlıq dünya ədəbiyyatının ən məşhur detektivi olan Şerlok Holmsu yaratdı. Yazıçı sonralar müəlliminə məktubunda Şerlokun məhz o olduğunu açıq şəkildə etiraf etmişdi. Dr. Bell sadəcə tibblə kifayətlənmir, həm də polisə cinayətləri açmaqda kömək edirdi. O, hətta Londonu qorxuya salan "Qəssab Cek" işində də ekspert kimi iştirak etmişdi. Bu gün heyranlıqla izlədiyimiz Şerlok personajı əslində cərrah xalatı geyinmiş həqiqi bir həkimin prototipidir.
Aynura Allahverdiyeva