İsrail və Fələstin arasında müharibənin şiddətləndiyi bir dövrdə Tel-Əviv yönətiminə əzələ nümayişi mesajl verilib.

Mia.az xarici mətbuata istinadla xəbər verir ki, Misir prezidenti Əbdülfəttah əs-Sisi 4-cü Zirehli Diviziyanı İsrail sərhədinə yaxın Süveyşə toplayaraq onlaırn döyüş qabiliyyətini şəxsən yoxlayıb.

Keçmiş ordu rəhbəri, hazırkı ölkə başçısının bu jesti dünya mediası tərəfindən “İsrailə qarşı güc nümayişi” qiymətləndirilib.

Diviziyanın yoxlama mərasimində çıxış edən Sisi Misir ordusunun gücündən, qüdrətindən ağızdolusu danışıb.

O, daha sonra Qəzzadakı qırğına toxunaraq deyib: "Misirlilərə deyirəm ki, biz Qəzza zolağında vəziyyətin nəzarətdən çıxmaması üçün tam gücümüzə çalışır və atəşkəs yaratmaq istəyirik. bununla belə, Qəzza zolağındakı mülki əhaliyə lazımi yardımı göstərmək üçün böyük səylər göstəririk".