ABŞ administrasiyası Ukraynadakı müharibənin diplomatik razılaşmalar yolu ilə həllinin tərəfdarıdır, lakin Vaşinqton Rusiyaya qarşı məhdudiyyətlərin hansı şərtlər altında qaldırılacağına aydınlıq gətirməyə hazır deyil. AzVision.az xəbər verir ki, bu mövqeyi jurnalistlər üçün keçirdiyi növbəti brifinqdə Ağ Evin mətbuat katibi Cen Psaki bildirib. O, Moskva və Kiyev arasında razılaşmaların anti-Rusiya sanksiyalarının ləğvi üçün kifayət edib-etməməsi sualına cavabında deyib: “Mən buradan bu barədə danışıqlar aparmayacağam”.