Amerikanın Oklahoma ştatının El-Reno şəhərində qasırğa zamanı azı iki nəfər həyatını itirib.

"Report" "The Oklahoman" nəşrinə istinadən xəbər verir ki, şəhər meri Mett Uaytın sözlərinə görə, daha 29 nəfər xəstəxanaya yerləşdirilib.

Şəhər polisi yerli sakinləri ehtiyatlı olmağa və fövqəladə xidmət orqanlarının işinə mane olmamağa çağırıb.

Bildirilir ki, qasırğa zamanı həmçinin yerli otel dağılıb, bir çox tikililərə ziyan dəyib.