Bəzi vətəndaşlar dərmanların qiymətinin yüksək, bəziləri isə keyfiyyətin aşağı olmasından narazıdırlar.

Hətta buna görə bir çox insan daha keyfiyyətli və ucuz olsun deyə dərmanlarını xarici ölkələrdən gətirməyə çalışır.

Həkimlər də ölkədə dərmanla bağlı yaranmış vəziyyətdən narazıdırlar.

TEREF.AZ yazır ki, Xezerxeber.az-ın məlumatına görə, mövzu ilə bağlı danışan millət vəkili Razi Nurullayev hesab edir ki, dərmanların digər ölkələrlə müqayisədə dəfələrlə baha satılması doğru deyil.

Deputat Rüfət Quliyev isə hazırda bir sıra dərman preparatlarının satışda tapılmamasına diqqət çəkib.

Millət vəkilləri düşünürlər ki, hazırkı vəziyyətdən qısa müddətdə çıxış yolu xaricdən şəxsi istifadə üçün dərman gətirilməsi qaydalarının ən qısa zamanda təsdiqlənməsidir. Həmçinin qonşu ölkələrin dərman firmaları ilə münasib şərtlərlə idxal müqavilələri bağlanmalıdır. Daha uzun müddət üçün çıxış yolu isə yerli dərman zavodlarının tikilməsidir.