Gürcüstan 2023-cü ilin yanvar-avqust ayları ərzində Azərbaycana 296,99 milyon ABŞ dolları dəyərində 17 095 ədəd avtomobil ixrac edib.

APA-nın Tbilisi müxbiri xəbər verir ki, bu barədə Gürcüstanın Milli Statistika İdarəsinin hesabatında bildirilib. Qeyd olunub ki, Azərbaycana ixrac edilən avtomobillərin sayı illik ifadədə 3 110 ədəd və ya 15,4% azalıb, lakin dəyəri 100,83 milyon dollar və ya 51,4% artıb. 2022-ci ilin ilk 8 ayı ərzində isə Gürcüstan Azərbaycana 196,16 milyon dollar dəyərində 20 205 ədəd avtomobil ixrac edib.

2023-cü ildə Gürcüstanın avtomobil ixracı əvvəlki illə müqayisədə 178,1% artaraq 1 milyard 368,3 milyon dollara çatıb. Avtomobil ixracı ölkənin ümumi ixracının 33,5%-ni təşkil edib.