Finlyandiyanın qərbində Eura şəhəri yaxınlığında yüngülmühərrikli təyyarə qəzaya uğrayıb.

APA-nın TASS-a istinadən verdiyi xəbərə görə, qəza səbəbindən təyyarə yerli aerodroma deyil meşə zolağına düşüb.

Təyyarənin demək olar ki, sıradan çıxdığı bildirilir. Lakin təyyarədə olan pilot sağ qalıb.

Xilasedicilərin dediyinə görə, o, ciddi xəsarət almayıb.

Qeyd edək ki, hadisə zamanı təyyarədə pilotdan başqa heç kim olmayıb.