Polşada legionellyoza yoluxanların sayı artmaqdadır.

APA xəbər veriri ki, bu barədə Jeşuv rayon sanitariya-epidemioloji stansiyasının rəhbəri Yaromir Slonçka məlumat verib.

Sanitariya-epidemioloji stansiya rəhbərinin sözlərinə görə, hazırda Polşada legionellyoz xəstəliyinə yoluxanların sayı 158-ə çatıb.

Avqust ayında Ukrayna sərhədi yaxınlığındakı Jeşuv şəhərində xəstəliyin epidemiyası qeydə alınıb. Legionellyoz sonradan digər bölgələrə yayılıb.

Legionellyoz ağır bir tənəffüs yoluxucu xəstəlikdir. Ümumdünya Səhiyyə Təşkilatı xəstəliyin L. pneumophila bakteriyası ilə çirklənmiş aerozolların inhalyasiya yolu ilə yoluxa biləcəyini, su səpildikdə, jetlər və ya sudan dumanla əmələ gəldiyini bildirdi.