Danimarka Rusiya səfirliyi işçilərinin ixtisarını tələb edib
2-09-2023, 10:04
Danimarka Xarici İşlər Nazirliyi Rusiyanın diplomatik nümayəndəliyində maksimum 5 diplomat və 20 əməkdaşın olmalı olduğunu bildirib.
Bu barədə xarici KİV xəbər verir.
“Danimarka Xarici İşlər Nazirliyi Rusiya səfiri Vladimir Barbinə Rusiyanın Kopenhagendəki səfirliyindəki işçilərin sayının Danimarkanın Moskvadakı səfirliyinin işçilərinin sayına uyğun olan səviyyəyə endirilməli olduğu barədə məlumat verib”, - XİN-in saytındakı bəyanatda deyilir.
Qeyd olunur ki, ixtisarlar sentyabrın 29-dan gec olmayaraq başa çatdırılmalıdır.
