Türkiyə Böyük Millət Məclisinin plenar iclasında Türkiyə, Pakistan və Səudiyyə Ərəbistanı arasında imzalanmış Məkkə Birgə Müdafiə Müqaviləsinin ("Məkkə sazişi") təsdiqinə dair qanun layihəsi qəbul edilib.

"Haber Global" telekanalı xəbər verir ki, bununla da üç ölkə arasında Məkkə Alyansı çərçivəsində daxili təsdiq prosesi başa çatıb.

Sazişə əsasən, ölkələrdən birinə qarşı həyata keçirilən hücum hər üç dövlətə qarşı edilmiş hücum kimi qiymətləndiriləcək.

Razılaşma çərçivəsində birgə istehsal, kəşfiyyat məlumatlarının mübadiləsi, terrorçuluqla mübarizə və müdafiə sənayesi sahələrində əməkdaşlığın gücləndirilməsi nəzərdə tutulur.