“İsgəndərnamə” əsərində Qafqaza - qıpçaqların yurduna gəlib çıxan böyük İsgəndər qəribə bir narahatlığını dilə gətirir.
Qıpçaq qadınları başlarını bağlamırlar, asudə gəzirlər, at minirlər, ov-ovlayırlar, döyüşürlər və s. İsgəndərin ordusunda isə uzun səfərlər boyu “arvadsızlamış” minlərlə kişi var. Hər an təcavüz etməyə amadə...
Bu, ad-sanıyla iki cahana səs salan İsgəndərin izzəti-şəninə yaraşan iş olmazdı.
Buna görə, qıpçaq ağsaqqalları yanına çağırıb qadınların başlarını bağlamasını məsləhət görür. Və bu yerdə islam dinində, şəriətdə qadının örtünməsi ilə bağlı ən vacib məqamları diqqətə çatdıran şair İsgəndərin dili ilə deyir:
“Bizim adət-ənənəmiz belədir!”
Qıpçaqların cavabı qeyri-adidir:
“Bizim adət-ənənəmizə görə isə qadınlar üzünü yox, kişilər gözünü bağlayır. Qoşuna əmr edin, bizim məmləkətdə bizim adət-ənənələrə əməl etsinlər...”
Nizami bu sözləri 1201-ci ildə yazıb...
824 il əvvəl...
Şərif Ağayar,
yazıçı
TEREF