Qolda 11 yəhudi olimpiyaçını öldürən gənclərin psixoloji motivlərini araşdırmaq üçün əziyyət çəkmədi. Onların çətin uşaqlıqları ilə maraqlanmırdı. Depressiyaya meylləri ilə maraqlanmırdı. Mossad ona idmançıların ölümlərindən əvvəl işgəncə verildiyini bildirəndə (bu məlumat yalnız keçən il açıqlandı), Qolda "Tanrının Qəzəbi" əməliyyatına icazə verdi.
Altı ay ərzində Mossad agentləri bütün Qara Sentyabr terror bazalarına torlarını yaydılar. İsrail kəşfiyyatı ilk dəfə olaraq terrorçulardan daha az amansız və hiyləgər ola bilməyəcəyini nümayiş etdirdi. Onlar hər şeyə əl atdılar: saxta sənədlərə, rüşvətə, hətta şantaj etməyə. Nəticədə qatillərin dostları hamısını təslim etdilər, bəziləri axmaqlıqdan, bəziləri qorxudan. Bir-birinin ardınca Romada, Parisdə, Kiprdə, Afinada, Beyrutda və Norveçdə Münhen terror hücumunun 17 təşkilatçısından 13-ü məhv edildi. "Qanlı Olimpiada"nın birinci ildönümünə qədər qatillərin əksəriyyəti artıq məzarlarında idi.
Qoldanın Baş nazir olduğu illər haqqında mübahisələr səsləndirilib. Onun qəti təbiəti tənqid olunub və Yom Kippur müharibəsinin səhvləri onun üzərinə atılıb. Lakin bu gün sadəcə idman festivalına gəlib tabutda evə qayıdan 11 parlaq insanın üzlərinə baxanda, belə bir kişilik və analıq əmri verən qadına baş əyirik: "Oğlanları göndərin".
Luba Boquslavski