Bu gün “Dəmir general”ın 50 yaşı tamam olur – Zalujnının qızı da hərbçidir
8-07-2023, 11:27
Bu gün Ukrayna Silahlı Qüvvələrinin Ali Baş komandanı Valeri Zalujnı 50 illik yubileyini qeyd edir.
“AzPolitika.info” xəbər verir ki, Valeri Zalujnı hərbçilər ailəsində doğulub, uşaqğlığı hərbi hissələrdə keçib.
4 ali təhsili var. Ukraynanın tarixində səngərlərdə döyüşən Silhalı Qüvvələrin ilk Ali Baş komandanı kimi tarixə düşüb. 2014-cü ildən Donbasın müdafiəsində iştirak edib və səngərdə döyüşən zabitlərdən biri olub.
2022-ci ildə "Politico" jurnalı onu "Dəmir general" adlandırıb və bundan sonra bu ləqəblə tanınıb.
Zalujnı Silhalı Qüvvələrin Ali Baş komandanı vəzifəsinə təyin olunandan sonra 2021-ci ilin oktyabrında insanlara çağırış etmişdi: “Mən birmənalı olaraq korrupsiyanı qəbul etmirəm və Ukrayna Silahlı Qüvvələrində onun yayılmasına imkan verməyəcəm. Korrupsiyaya "sıfır" tolerantlıq-istənilən vəzifəyə təyinatın fundamental prinsipidir”.
Həmin zamanda Zalujnı insanlardan xahiş etmişdi ki, korrupsiya hallarına rast gəldikdə, dərhal şəxsən özünə xəbər versinlər. Bunun üçün telefon nömrəsini və e-mail ünvanını açıqlamışdı.
Zalujnı ailəsinin Odessa vilayətində 70 kv m² sahəsində evləri və bir neçə torpaq sahələri, 1 “Cherri Tiggo” və 1 “Nissan Patrol” avtomobili var.
General 2 qız atasıdır, Natalya hərbçidir, Kristina isə tələbədir, tibb institutunda təhsil alır.
