Yəmənin "Ansar Allah" hərəkatının üzvləri (husilər) Səudiyyə Ərəbistanının Yəmənlə sərhəddə yerləşən kral Xalidin adını daşıyan aviabazaya hücum ediblər.

Trend-in "RİA Novosti"yə istinadən verdiyi məlumata görə, husilər hücumu bir neçə pilotsuz uçuş aparatı vasitəsi ilə həyata keçiriblər.

Səudiyyə Ərəbistanının hava hücumundan müdafiə sistemləri husilərə məxsus 2 pilotsuz uçuş aparatını vurub.