Ölkənin mərkəzi bankı rolunu yerinə yetirən Federal Ehtiyat Sistemi (FES) baza faiz dərəcəsini aşağı salmaqdan imtina edərsə, Vaşinqton bir neçə dövlətlə ticarət münasibətlərini dayandıra bilər.

TEREF "Report"a istinadla xəbər verir ki, bunu ABŞ Prezidenti Donald Tramp "Truth Social" sosial şəbəkəsində yazıb.

Onun sözlərinə görə, ABŞ-də dünyada ən aşağı faiz dərəcəsi olmalıdır.

"Faiz dərəcəsini aşağı salın, əks halda ticarət kəsiri olan dövlətlərlə ticarəti dayandıracağam, çünki ABŞ Ali Məhkəməsi tariflərə dair ağılsız və ölkəyə böyük məbləğə başa gələn qərarında dövlət başçısının belə addımlar atmaq üçün mütləq hüquqa malik olduğunu birmənalı şəkildə təsdiqləyib. Bu, rüsumlardan daha effektivdir", - Tramp əlavə edib.

FES iyulun sonunda keçirilən iclasın yekunlarına əsasən baza faiz dərəcəsini dəyişməyərək 3,5–3,75 % səviyyəsində saxlayıb. ABŞ tənzimləyicisinin faiz dərəcəsi məsələsinə həsr olunmuş növbəti iclası sentyabrın 15-16-na planlaşdırılıb.