İspaniyada anomal istilər 4 nəfərin ölümünə səbəb olub
3-07-2019, 06:47
İspaniyada son bir neçə gün ərzində anomal istilər səbəbindən ölənlərin sayı 4 nəfərə çatıb.
Trend-in "RİA Novosti"yə istinadən verdiyi məlumata görə, El-Kuervoda 66 yaşlı kişi, Kordovada 17 yaşlı gənc, Valyadoliddə 93 yaşlı kişi və La-Rioxada 90 yaşlı qadın günvurmadan ölüblər.
Bildirilir ki, İspaniyada anomal istilər ötən həftə başlayıb. Bəzi yerlərdə havanın temperaturu 43 dərəcə istiyə qədər çatıb.
