İngiltərənin Oksfordşir qraflığındakı Piddinqton kəndinin sakinləri hökumətin yaxınlıqdakı keçmiş hərbi bazada 1 200-dən çox sığınacaq axtaran şəxsi yerləşdirmək planına etiraz olaraq özlərini Böyük Britaniyadan “ayırmaq” qərarına gəliblər.

Associated Press xəbər verir ki, təxminən 350 sakinin yaşadığı kənddə keçirilən simvolik referendumda 312 nəfər səs verib. Onlardan 285-i ayrılmağın lehinə, 26-sı əleyhinə səs verib.

Kənd sakinləri bundan sonra ərazini zarafatla “Piddinqton Knyazlığı” adlandıracaqlarını bildiriblər. Referendumun hüquqi qüvvəsi yoxdur və kəndin Britaniyadan həqiqətən ayrılması mümkün deyil.

Sakinlərin etiraz etdiyi plan keçmiş Müdafiə Nazirliyi bazasında 1 256 kişi sığınacaq axtaran şəxsin yerləşdirilməsini nəzərdə tutur. Kənd rəhbərliyi əhalinin sayının az olduğunu və belə böyük mərkəzin yerli həyata ciddi təsir göstərə biləcəyini deyir.

Qərar Britaniyada geniş diqqət çəkib və 1949-cu ildə çəkilmiş “Passport to Pimlico” komediyasındakı London məhəlləsinin özünü ayrıca ərazi elan etməsi ilə müqayisə olunur.