Səudiyyə Ərəbistanında tərkibində uran olan filizin böyük ehtiyatları aşkarlanıb.

Ölkənin energetika naziri, şahzadə Əbdüləziz bin Salman yatağın ehtiyatlarının 110 milyon ton həcmində qiymətləndirildiyini açıqlayıb. Bu barədə “The National News” məlumat yayıb.

Vyanada Beynəlxalq Atom Enerjisi Agentliyinin (MAQATE) Baş Konfransında çıxış edən nazir bildirib ki, kəşf Mədinə şəhəri yaxınlığındakı Cəbəl Səid layihəsi ərazisində aparılan işlər zamanı edilib. Geoloji tədqiqatlar nəticəsində uran və ağır nadir torpaq elementlərinin yüksək konsentrasiyasına malik filiz müəyyənləşdirilib.

Yatağın işlənməsi iyul ayında imzalanmış ABŞ-Səudiyyə Ərəbistanı arasında mülki nüvə enerjisi və müdafiə sahəsində sazişin çərçivəsinə daxildir.

Razılaşmanın şərtlərindən biri krallıq ərazisində ABŞ şirkətləri tərəfindən uranın zənginləşdirilməsi zavodunun tikintisinə yol aça biləcək tədqiqatların aparılmasıdır.