Sabunçu rayonunun Yeni Ramana qəsəbəsi, Ülvi Bünyadzadə küçəsində illərdir asfalt problemi yaşanır.

Baku TV xəbər verir ki, sakinlər yolun vəziyyətini yaxşılaşdırmaq üçün dəfələrlə öz hesablarına müxtəlif materiallar tökdürərək təmir aparmağa çalışdıqlarını bildirirlər.


Lakin görülən işlər problemin köklü həllinə imkan verməyib. Vətəndaşların sözlərinə görə, xüsusilə, yağışlı havalarda küçədə hərəkət etmək daha da çətinləşir. Asfaltın olmaması səbəbindən yol palçığa çevrilir, nəqliyyat vasitələrinin hərəkəti məhdudlaşır. Yolun vəziyyəti piyadalar üçün də ciddi çətinlik yaradır.

Sakinlərdən biri bu ərazidə yıxılaraq ayağından xəsarət aldığını deyir. Sakinlər həmçinin qeyd edirlər ki, taksi sürücüləri ünvana gəlməkdən çəkinir, təcili tibbi yardım və digər xidmət avtomobillərinin əraziyə çatması isə çətinləşir.