“Nvidia” Tayvanın çip istehsalçısı “MediaTek”ə 3,5 milyard dollar investisiya yatıracağını açıqlayıb.

Əməkdaşlıq çərçivəsində “MediaTek” “Nvidia”nın “NVLink Fusion” texnologiyasından istifadə edərək süni intellekt şirkətləri və iri bulud xidməti təminatçıları üçün xüsusi çiplər hazırlayacaq.

Yeni çiplər “Nvidia”nın GPU-ları və məlumat mərkəzi infrastrukturu ilə uyğun işləyəcək. Şirkət bununla süni intellekt infrastrukturu bazarındakı mövqeyini gücləndirməyi hədəfləyir.

“MediaTek” isə xüsusi məlumat mərkəzi çipləri biznesindən 2026-cı ildə 2 milyard dollar gəlir əldə etməyi gözləyir.

Şirkətlər məlumat mərkəzləri ilə yanaşı, süni intellekt kompüterləri, ağıllı avtomobillər və avtonom idarəetmə texnologiyaları sahəsində də əməkdaşlığı davam etdirəcəklər.