İsveçin əfsanəvi ABBA qrupunun üçüncü mahnısı "Spotify" striminq xidmətində bir milyard dinləmə göstəricisini geridə qoyub. Bu dəfə söhbət "The Winner Takes It All" xitindən gedir.

TASS xəbər verir ki, bu barədə "Universal Music" şirkəti məlumat yayıb.

Daha əvvəl bu həddi qrupun "Dancing Queen" və "Gimme! Gimme! Gimme! (A Man After Midnight)" bəstələri keçmişdi. ABBA-nın bu üç məşhur hiti ümumilikdə 4 milyard dəfədən çox dinlənilib.

Qeyd edək ki, "The Winner Takes It All" mahnısı 1980-ci ildə "Super Trouper" albomunda işıq üzü görüb. Ötən il mahnı sosial şəbəkələrdə "mətni müxtəlif trendlərin təşviqi üçün istifadə edən yeni nəsil sayəsində" ikinci həyatını qazanıb.