Böyük Britaniyalı aktrisa Reyçel Sterlinq "Taxt oyunları" serialında Olenna Tirell rolunu canlandırmış anası, mərhum aktrisa Diana Riqqin külünü az-az yediyini etiraf edib.

Oxu.Az xəbər verir ki, bu barədə "Independent" nəşri Sterlinqin "Anam haqqında hər şey" adlı xatirələr kitabına istinadən yazıb.

Aktrisanın sözlərinə görə, o, tamaşalarının premyera günlərində səhnəyə çıxmazdan əvvəl anasının külündən az miqdarda yeyir. 49 yaşlı Sterlinq bu vərdişini təbii hesab edir.

"İnsanlara bu barədə danışanda şoka düşürlər, lakin mənim üçün bu, tamamilə təbiidir. O məni əhatə edir, qoruyur və bürüyür. Anam mənim super gücümdür", - deyə sənətçi yazıb.

Diana Riqq 2020-ci ildə xərçəng xəstəliyi ilə mübarizədən sonra 82 yaşında vəfat edib.