Böyük Britaniya kralı III Çarlz süni intellekt (Al) sahəsində çalışan iri texnologiya şirkətlərinin nümayəndələri ilə görüşəcək və onları texnologiyalardan bəşəriyyətin rifahı naminə istifadə etməyə çağıracaq.

Valyuta.az xəbər verir ki, bu barədə “The Sunday Times” qəzeti mənbəyə istinadən məlumat yayıb.

Görüş Şotlandiyada keçiriləcək. Tədbirə ABŞ-ın çip istehsalçısı “Nvidia” şirkətinin təsisçisi və baş direktoru Censen Huan, “Google DeepMind” şirkətinin təsisçisi və Direktorlar Şurasının sədri Demis Hassabis, “IonQ” şirkətinin baş direktoru Nikkolo de Masi, həmçinin Vatikanın süni intellekt məsələləri üzrə müşaviri Paolo Benanti dəvət olunub.

“Onun gözləntisi budur ki, bu müzakirələr texnologiyanın hazırlanması ilə bağlı məsuliyyəti, eləcə də yaranan imkanları daha yaxşı anlamağa kömək edəcək və texnoloji inkişafın insanlar və icmalar üçün faydaya yönəlməsini təmin etməyə imkan verəcək”, – məlumatda deyilir.