ABŞ Prezidenti Donald Tramp İrana qarşı aparılan hərbi əməliyyatın onun gözlədiyindən daha uzun çəkdiyini etiraf edib.
Bu barədə Texas ştatının Dallas şəhərində ABŞ Konqresinə noyabrda keçiriləcək aralıq seçkisi ərəfəsində hakim Respublikaçılar Partiyasının milli qurultayında çıxış edən dövlət başçısı bildirib. Ağ Evin rəhbəri Birləşmiş Ştatların Hörmüz boğazına nəzarət etdiyi barədə iddiaları yenidən səsləndirib.

"Biz dünyanın ən güclü ordusunu yaratmışıq. Hərbçilərimizi düşündüyümdən daha uzun müddət cəlb etməli olduq, lakin İranın nüvə silahı əldə etməsinə yol verə bilmərik. Boğaza biz nəzarət edirik və mən onu Tramp boğazı adlandırıram", - deyə o qeyd edib.