Futbol üzrə Fransa milli komandasının baş məşqçisi Zinəddin Zidan 2006-cı il dünya çempionatının finalında italiyalı futbolçu Marko Materatsinin sinəsinə kəllə vurmasını xatırlayıb.

Bu barədə "Football Italia" nəşri xəbər verir.

Oktyabrın 2-də fransızlar onun rəhbərliyi altında Millətlər Liqası çərçivəsində İtaliya ilə qarşılaşacaqlar. Oyun ərəfəsində Zidan həmin tarixi hadisə barədə danışıb.

"O gündən bəri Materatsi ilə danışmamışam. Etdiyim hərəkətlə qürur duymuram, bunu həmişə demişəm, lakin eyni zamanda heç nəyə görə də peşman deyiləm. Bu, karyeramın bir hissəsidir.

Xoşbəxtlikdən, karyeram boyunca yalnız bu hadisə ilə yaddaşlarda qalmamışam. Müsbət məqamlar da çox olub. Belə xatirələr möhtəşəmdir və mən məhz onları xatırlamağa üstünlük verirəm. Axı yalnız möhtəşəm anlardan ibarət karyera qurmaq mümkün deyil" , - deyə baş məşqçi qeyd edib.