UEFA Millətlər Liqasının qrup mərhələsinin II turu çərçivəsində Türkiyə millisi doğma meydanda İtaliya yığmasını qəbul edib.

Oxu.Az xəbər verir ki, A Liqasının I qrupunda Bursa şəhərində keçirilən matçda ev sahibləri ağır məğlubiyyətə uğrayıblar - 1:4.

İlk hissədə qonaqların heyətində Alessandro Bastoni (9-cu dəqiqə), Davide Frattezi (22-ci dəqiqə) və Mikael Kayode (27-ci dəqiqə) fərqləniblər. İkinci hissədə Barış Alper Yılmaz (47-ci dəqiqə) hesab arasındakı fərqi azaltsa da, Françesko Espozito (50-ci dəqiqə) italyanların daha bir qolunu vuraraq yekun nəticəni müəyyənləşdirib.

Qeyd edək ki, Türkiyə millisi qrupda daha əvvəl Fransa yığmasına öz meydanında 0:1 hesabı ilə uduzmuşdu. İtaliya millisi də doğma meydanda Belçika yığmasına 0:2 hesabı ilə məğlub olmuşdu.

Bu nəticələrdən sonra İtaliya millisinin 3 xalı var, Türkiyə millisi isə hələ də xal toplaya bilməyib.