Portuqaliya köhnəlməkdə olan F-16 qırıcı təyyarələri donanmasının yenilənməsi ilə bağlı qərar qəbul edəcək və ABŞ-nin F-35 qırıcı təyyarələrinin tədarükünə dair təklifini ciddi şəkildə nəzərdən keçirir.

"Reuters" agentliyi xəbər verir ki, bunu ölkənin xarici işlər naziri Paulo Rangel Lissabonda ABŞ dövlət katibi Marko Rubio ilə görüşdən sonra bildirib.

Portuqaliya 28 modernləşdirilmiş F-16M qırıcı təyyarəsinin əvəzlənməsi ilə bağlı hələ rəsmi tender elan etməyib, lakin Lissabonun Avropa və ya ABŞ-dəkı tərəfdaşları ilə müdafiə əlaqələrini gücləndirə biləcək müqavilə uğrunda rəqabət artıq gedir.

"Portuqaliya hakimiyyəti hər zaman milli maraqlara uyğun qərarlar qəbul edəcək. Həmçinin bir şey aydındır: biz digər məsələlər kimi, F-35 ilə bağlı təklifi də ciddi şəkildə nəzərdən keçiririk", - o bildirib.