731-ci dəstə (Unit 731) — İkinci Dünya Müharibəsi zamanı (1935–1945) Yaponiya İmperator Ordusu tərəfindən idarə olunan, kimyəvi və bioloji silahların işlənməsi və insan layihələri üzərində dəhşətli təcrübələrin aparılması üçün yaradılmış məxfi hərbi araşdırma bölməsidir. ​Mərkəzi işğal olunmuş Çinin Harbin şəhəri yaxınlığında (Pingfang rayonunda) yerləşən bu dəstəyə mikrobioloq general-leytenant Şiro İşii rəhbərlik edirdi.
Əsirlər (əsasən çinlilər, ruslar, koreyalılar və digər müttəfiq dövlətlərin əsgərləri) Taun, Vəba, Məxmərək, Sibir xorası (Anthrax) kimi ölümcül infeksiyalara yoluxdurulurdu. Anesteziya (keyidici) edilmədən insan bədəni kəsilərək xəstəliklərin daxili organlara təsiri öyrənilirdi. Əməliyyatların narkozsuz olunmasının səbəbi kimi təcrübənin nəticələrinə təsir etməmək göstərilirdi.
İnsanların dona necə dözdüyünü öyrənmək üçün əl-ayaqları dondurulub sonradan qaynar su ilə əritdirilir, yüksək təzyiqli kameralara salınır və ya susuz/qidasız saxlanılırdı. Çinin müxtəlif şəhərlərinə taun mikrobu daşıyan birələr və digər bakteriyalar təyyarələrlə atılmış, nəticədə yüz minlərlə mülki şəxs həlak olmuşdur.
​​731-ci dəstədə təcrübəyə məruz qalan insanlara yaponca "Maruta" ("kötük" və ya "xütük") deyilirdi. Obyekt kağız üzərində meşə təsərrüfatı kompleksi kimi qeydə alındığı üçün insanlara bu alçaldıcı ad verilmişdi. Mərkəzdə birbaşa 3,000-dən çox insanın təcrübələr zamanı öldüyü, ümumilikdə bioloji hücumlar nəticəsində isə 300,000-dən çox mülki şəxsin həyatını itirdiyi təxmin edilir.
​1945-ci ildə Yaponiyanın təslim olmasından sonra dəstə sübutları məhv etmək üçün kompleksi partlatdı və qalan canlı şahidləri öldürdü.
​Şiro İşii və dəstənin aparıcı alimləri ABŞ hakimiyyəti ilə məxfi sövdələşmə etdilər: əldə etdikləri bioloji və tibbi təcrübə məlumatlarını ABŞ-a təhvil vermək müqabilində hərbi cinayətlər məhkəməsindən (Tokio Məhkəməsi) tam amnistiya və toxunulmazlıq aldılar. Nəticədə Şiro İşii və bir çox cinayətkar alim heç vaxt cəzalandırılmadı və hətta müharibədən sonra Yaponiyanın tibb və akademiya sahələrində yüksək vəzifələrdə çalışdılar.
Sahil Born To Die