İlk ali təhsilli azərbaycanlı memar, 1918-1922-ci illərdə Bakı şəhərinin baş memarı olan Zivər bəy Əhmədbəyov niyə intihar etdi?
📌Zivər bəy Əhmədbəyov 1925-ci il fevralın 16-da səhər saatlarında tapança ilə özünə atəş açaraq həyatına qəsd edir. 1925-ci ilin mayında Məhəmməd Əmin Rəsulzadə Əlimərdan bəy Topçubaşova intiharın səbəbi ilə bağlı bunları yazır:
📌"Zivər bəyin özünə qəsd etməsinin səbəbini öyrəndim. Onu Bakıda bir neçə dəfə həbs edib, sonra buraxıblar. Axırıncı dəfə tutulanda fasilə vermədən istintaq altında saxlayıblar. O, işsiz idi. Zivər bəy bütün bu haqsızlıqlara dözməyib və özünü öldürüb. Özünə qəsd etməzdən əvvəl kiçik bir qeyd yazıb. O, "ÇK"-nın əməkdaşları Baba Əliyevə və Mircəfər Bağırova ünvanlanmış həmin kağızda cəmi bir cümlə yazıb:
“Sevinin ki, daha bir müsəlman-ziyalı sıradan çıxdı...”
Azərbaycan Tarixi