“Böyük yeddilik”də (G7) təmsil olunan 6 ölkənin maliyyə nazirləri ABŞ-ın polad və alüminium idxalına dair rüsumlarına qarşı çıxıb.

Axar.az xəbər verir ki, bu barədə G7 ölkələrinin narahatlığı maliyyə nazirlərinin Britaniyada keçirilən 3 günlük görüşü çərçivəsində ifadə edilib.

Kanadanın Maliyyə naziri Bill Morno görüşün nəticələrinə dair çıxışında G7-nin 6 ölkəsinin, həmçinin Avropa İttifaqının təmsilçisinin Donald Trampın ticarət siyasətinə görə narahatlıq və məyusluğunu ifadə edib. Onun sözlərinə görə, ticarət təşkilatının 6 üzvü və Avropa İttifaqı ABŞ-ın yeni vergi siyasətinə qarşı birləşib.