Almaniya polisi solçu ekstremist qrupun fəaliyyəti ilə bağlı istintaq çərçivəsində bir neçə federal ştatda axtarışlar aparıb.

Teleqraf xəbər verir ki, bu barədə DPA agentliyi məlumat yayıb.

İstintaqa görə, 18-36 yaş arası 12 kişi 2022-ci ildə Almaniyanın şərqindəki Zvikau şəhərində Kollektiv Zvikau adlı bir qrup yaradıb. Hüquq-mühafizə orqanlarının məlumatına görə, onun üzvləri regional və milli səviyyələrdə ifrat sağçı qüvvələrə qarşı mübarizə aparmaq niyyətində idilər.

Qrup üzvləri bir neçə ildir ki, insanlara hücumlar və əmlaka ziyan vurmaq da daxil olmaqla cinayətkar fəaliyyətlər vasitəsilə məqsədlərinə çatmaq istəyiblər.

İstintaq çərçivəsində dörd kişi haqqında həbs qərarı verilib. Medianın məlumatına görə, başqa bir şübhəli axtarış zamanı polis məmuruna qarşı fiziki güc tətbiq edib. O həbs edilib. Beş nəfər hakim qarşısına çıxarılacaq.