Azərbaycanlıya məxsus villa yanaraq külə döndü
31-01-2020, 00:23
Bu gecə Gürcüstanın azərbaycanlılar yaşadığı kəndində güclü yanğın baş verib.
Bu barədə hadisə şahidləri BAKU.WS-in “qaynar xətt”inə məlumat veriblər.
Bildirilir ki, Soğanlıq kəndində villa yanıb.
Yanğın baş verən ərazidə minik maşınları olduğu üçün vəziyyət daha da gərgin olub.
Qonşuların köməyi ilə ərazidəki avtomobillər yanğın yerindən çıxarılıb.
Qeyd edək ki, yanğın baş verən villanın azərbaycanlıya məxsus olduğu bildirilir.
